Masaの‌価格MASA

TRADING PSYCHOLOGY Trading psychology tsari ne na saita ɗabi'u da sarrafa tunani domin yaƙi da ɗabi'un da ke haddasa asara tare da rungumar ɗabi'un da ke haifar da samun nasara yayin gudanar da kasuwancin cryptocurrency. Baya ga ilimin sanin cryptocurrency, ilimi gane ingancin coin da ilimin fahimtar alƙiblar da farashi ke fuskanta, Ƙwararrun ƴan Crypto suna amfani da ilimin sarrafa tunani da ɗabi'a domin samun nasara a kasuwa. Saboda ilimi kaɗai ba ya ba wa Ɗan kasuwa nasara idan bai ɗabi'antu da ɗabi'un nasara ba, a nawa ra'ayin ma ina ganin ɗabi'a da tunani sun fi taka muhimmiyar rawa wajen bawa Ɗan kasuwa nasara fiye da ilimi, ɗabi'u 80% ilimi 20% Misali: kana iya ganin; masanin cryptocurrency, masanin analysis, masanin blockchain technology kuma mai ɗimbin jari amma duk da haka bai cika samun riba a kasuwancinsa ba, kana kuma iya ganin wani ba shi da ilimin crypto kuma ba shi da jari sosai amma yana cin riba a mafi yawan kasuwancin da ya ke yi. Hakan na faruwa ne saboda ɗabi'a da salon sarrafa tunani ya fi tasiri ga Ɗan kasuwa fiye da ilimin sanin kasuwanci. Best Trading Psychology 1. Control your emotions 2. Avoiding psychological bias Control Your Emotions A ƙoƙarinka na samar da kyakkyawan tsarin saita tunani da ɗabi'un da za su kai ka matakin nasara, abu na farko da za ka fara ƙoƙarin yi shi ne: ka iya sarrafa motsin zuciyarka. Idan na ce motsin zuciya to ina nufin duk wani nau'in ji da ke motsa zuciya kamar; jin haushi, jin tsoro, jin son ɗaukar fansa, jin haɗama, jin ƙarfin gwiwa da sauransu. A matsayinka na Ɗan kasuwar cryptocurrency, kana kasuwanci ne a tsakanin riba da faɗuwa, motsi kaɗan zai iya sanyawa ka ci riba sannan motsi kaɗan zai iya sanyawa ka tafka asara. Rashin sayen coin a lokacin da ya dace, rashin sayen coin ɗin da ya dace da rashin sayarwa a lokacin da ya dace su ne abubuwan da za su janyowa maka asara, yayin da sayen coin ɗin da ya dace, sayen coin a lokaci da ya dace da sayarwa a lokacin da ya dace su kuma su ne abubuwan da za su sanya ka samu riba. Ashe kuwa, samun ribarka da yin asararka duka yana faruwa ne a sanadiyyar hukunci zuciyarka na yin abin da ya dace ko yin abin da bai dace ba. Domin ka samu riba, kana buƙatar yanke hukunci mai kyau na lokacin saye da lokacin sayarwa. Ba kuma za ka iya yanke hukunci mai kyau ba matuƙar ɗaya daga cikin abubuwan da ke motsa zuciya ya yi tasiri wajen murɗa zuciyarka inda bai dacewa ba, za ta sanya; ka sayi coin ɗin da bai dace ba, ko ka sayi coin a lokaci da bai dace ba, ko kuma ka sayar a lokacin da bai dace ba. Bincikena ya nuna min cewa; duk ilimin da ka ke da shi na cryptocurrency, duk tarin jarin da ka ke da shi matuƙar ba ka iya sarrafa motsin zuciyarka ta hanyar ba wa zuciyarka natsuwar yanke hukunci mai kyau ba to ba za ka samu nasara a kasuwancinka ba. Saboda ko da iliminka ya nuna maka ka sayi coin tsoro kan iya sanyawa ka ƙi saye, ko da iliminka ya nuna maka kada ka sayi coin haɗama kan iya sanyawa ka saya, ko da iliminka ya nuna maka ka sayar da coin son ɗaukar fansa kan iya sanyawa ka ƙi sayarwa, sannan ko da iliminka ya nuna maka ka yi bincike kafin ka sayi coin zumuɗi kan iya sanyawa ka saya ba tare da ka yi binciken ba. Ƙoƙarinka na iya danne abubuwan da kan iya rinjayar zuciyarka su hana ka yanke hukunci mai kyau shi ne mizanin nasaraka. Domin idan ka iya sarrafa zuciyarka to za ka mallaki tunaninka, idan ka mallaki tunaninka za ka sayi coin ko ka sayar a lokacin da ya dace, yayin da rashin iya yin hakan kuma shi zai janyo maka akasin haka. Daga cikin abubuwan da ke motsa zuciya akwai wanda suka fi tasiri wajen haddasawa zuciya yanke hukunci mara kyau da zai janyowa Ɗan kasuwa asara. Masana ilimin halayya (psychology) sun tabbatar da kafin ka samu nasara a kasuwancinka wajibi ne ka iya sarrafa abubuwan nan gudu huɗu: ❖ Greed ❖ Fear ❖ Revenge ❖ Euphoria Greed Haɗama a kasuwancin cryptocurrency na faruwa ne yayin da coin ɗin da ka saya ya ba ka riba amma ka ƙi sayarwa saboda tunanin zai zo ya ba ka ribar da ta wuce wannan wanda a ƙarshe har zai zo ya ba ka faɗuwa kuma ka sayar a faɗuwar. Haɗama ce ke sanya Ɗan kasuwa ya yi amfani da dukkanin kuɗaɗensa wajen sayan coin guda ɗaya da tunanin coin ɗin zai ba shi riba sosai. Maimakon ya sayi ƙaramin adadi sai haɗamar ta sanya ya sayi na dukkanin kuɗaɗen da ya ke da su, daga ƙarshe in ba ya yi sa'a ba coin ɗin ya zo ya riƙe masa kuɗaɗen da ya kamata a ce da su ya ke juyawa. Haɗama na rufewa Ɗan kasuwa idanun gano haɗari da asarar da zai iya tafkawa, sai ta sanya shi ganin ribar da zai iya kuɗincewa, a ƙarshe kuma ta jefa shi a layin talaucewa. Ƙwararrun ƴan Crypto idan sun ga coin za su saya ko idan coin ya ba su riba za su sayar, to suna ƙoƙarin ganin sun danne haɗamarsu domin ta kan iya rinjayar zuciyarsu su yanke hukuncin da zai janyo masu faɗuwa. Suna ƙoƙarin saita zuciyarsu da ɗabi'arsu a tafarkin sayar da coin idan sun samu riba ko da ribar kaɗan ce Saboda sun yi imanin cewa su samu.

RT @tellertxbot: New deposit on @useteller 👀 💰 9,999.80 USDC supplied 🌊 Pool: $USDC / $MASA 📈 Yield: 49.48% APY on Ethereum Long-tail li…

RT @tellertxbot: New deposit on @useteller 👀 💰 250.00 USDC supplied 🌊 Pool: $USDC / $MASA 📈 Yield: 53.00% APY on Ethereum Long-tail liqu…

RT @useteller: Teller yields are heating up 🔥 $MASA +51.88% APY $SPX +43.58% APY $BEAM +38.54% APY

RT @tellertxbot: New deposit on @useteller 👀 💰 2,006.97 USDC supplied 🌊 Pool: $USDC / $MASA 📈 Yield: 53.00% APY on Ethereum Long-tail li…